Dowladda Soomaaliya ayaa ka mid noqotay in ka badan 100 dowladood iyo ururo caalami ah oo si wadajir ah u soo saaray bayaan lagu cambaareynayo tallaabooyinka ay qaadday Israel ee ku saabsan dhulka la haysto ee West Bank.
Bayaanka ayaa si adag u dhaleeceeyay go’aannada hal-dhinaca ah ee lagu ballaarinayo degsiimooyinka, kuwaas oo lagu sheegay inay ka hor imaanayaan waajibaadka saaran Israel ee ku xusan sharciga caalamiga ah.
Dowladaha saxiixay bayaanka ayaa ku baaqay in si degdeg ah dib looga noqdo tallaabooyinkaasi, iyagoo muujiyay diidmo cad oo ku wajahan nooc kasta oo ku darsasho (annexation).
Sidoo kale, bayaanka ayaa lagu xusay in wax ka beddel kasta oo lagu sameeyo qaab-dhismeedka demogradiyadda, dabeecadda iyo xaaladda dhulka Falastiiniyiinta tan iyo 1967, oo ay ku jirto Bariga Qudus, ay wiiqeyso dadaallada nabadeed ee gobolka.
Dalalka iyo ururada saxiixay ayaa dib u xaqiijiyay in xal laba-dowladood ah oo ku saleysan xuduudihii 1967 uu yahay waddada kaliya ee lagu gaari karo nabad waarta, iyagoo tixraacaya go’aannada United Nations iyo aragtida talo-bixinta ee International Court of Justice ee 19-kii Luulyo 2024.
Hoos Ka Akhriso qoraalka cambaareynta.
